ဦးအောင်သိန်းလင်းကို စုံစမ်းစစ်ဆေးမယ်

ဦးအောင်သိန်းလင်းရဲ့ ပြောရဲဆိုရဲရှိမှုနဲ့ ပတ်သက်ပြီး ကြံ့ခိုင်ရေး ပါတီက စနေနေ့မှာ ထုတ်ပြန်တယ် ဆိုတဲ့ ကြေညာချက်တစောင်ကို တွေ့ရပါတယ်။

မြစ်ဆုံစီမံကိန်း ပြန်လည်ပတ်ရေး၊ ပြည်သူတွေကရူးလို့ NLD ကို မဲပေးလိုက်မိတယ်၊ ဘန်ကီမွန်းနဲ့ ကုလသမဂ္ဂဟာ ယုံရသူတွေ မဟုတ်ဘူး၊ အခြေခံဥပဒေ ပြင်ဆင်ရေးဟာ အောင်မြင်မယ်မဟုတ်၊ ဟီလာရီကလင်တန် မြန်မာပြည်လာတာ ကျုပ်တို့ရဲ့ အားနည်းချက်ပဲ - သူက မြန်မာပြည်သူတွေဆီလာတာ မဟုတ်ဘူး၊ ဟိုအမျိုးသမီးဆီကို လာတာ စသဖြင့် တရုတ်စာစောင်တခုကို သူက ပြောကြားခဲ့ပါတယ်။
ဒီလို ပြောကြားခဲ့ခြင်း ရှိမရှိ စုံစမ်းစစ်ဆေးပြီး "တွေ့ရှိချက်များအပေါ် မူတည်၍ ပါတီစည်းကမ်းအရ ဆက်လက် အရေးယူ ဆောင်ရွက်သွားမည်" လို့ ဆိုထားတဲ့ ကြေညာချက်ကို ကူးယူ ဖော်ပြပေးလိုက်ပါတယ်။

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ထုတ်ဖော်ကြေငြာချက်
၂၈-၇-၂၀၁၂

၁။ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ၊ ဗဟိုအလုပ် အမှုဆောင် ဦးအောင်သိန်းလင်း နှင့် Southen Weekend (China) ဟု ဖော်ပြထားသော တွေ့ဆုံမေးမြန်းမှု ရေးသားဖော်ပြချက် များအား Internet စာမျက်နှာများပေါ်တွင်လည်းကောင်း၊ ပြည်တွင်းရှိ ဂျာနယ် များတွင် လည်းကောင်း ဖော်ပြလျှက်ရှိနေကြပြီး အဆိုပါကိစ္စနှင့် စပ်လျဉ်း၍ မေးမြန်းမှုများလည်း ရှိနေကြပါ သည်။

၂။ အဆိုပါ ရေးသားဖော်ပြချက်များသည် ဗဟိုအလုပ်အမှုဆောင် ဦးအောင်သိန်းလင်းမှ အမှန်တကယ် ပြောကြားခဲ့မှုများဖြစ်ပါက ဦးအောင်သိန်းလင်း၏ ပုဂ္ဂလိက ပြောဆိုချက် များသာဖြစ် ပြီး ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ၏ သဘောထားများ မဟုတ်ပါ။

၃။ ဦးအောင်သိန်းလင်းအနေနှင့် အမှန်တကယ် ပြောကြားခြင်း ရှိ မရှိ ကိုလည်း စီစစ်ဆောင် ရွက်လျှက်ရှိပြီး၊ တွေ့ရှိချက်များအပေါ် မူတည်၍ ပါတီစည်းကမ်းအရ ဆက်လက် အရေးယူ ဆောင်ရွက်သွား မည်ဖြစ်ပါသည်။

ဗဟိုအလုပ်အမှုဆောင်အဖွဲ့
ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ


By : http://blog.irrawaddy.org

0 comments "ဦးအောင်သိန်းလင်းကို စုံစမ်းစစ်ဆေးမယ်", Baca atau Masukkan Komentar

Post a Comment

လာရောက်လည်ပတ်တဲ့အတွက် ကျေးဇူးပါ ကျွန်တော်ကိုပြန်ပြီး ကူညီတဲ့အနေနဲ့ ဘေးမှာတင်ထားတဲ့ ကြော်ငြာလေးတွေကို ကလစ်နှိပ်ပေးနိုင်ပါတယ် thanks :D

Note: Only a member of this blog may post a comment.

Related Posts Plugin for WordPress, Blogger...